தேசிய நெடுஞ்சாலையில் விபத்து - பதற வைக்கும் சிசிடிவி காட்சிகள்

கிருஷ்ணகிரி மாவட்டம் ஊத்தங்கரை அடுத்த மிட்டப்பள்ளியை சேர்ந்தவர் ராமச்சந்திரன் (வயது 65) இவர் தன்னுடைய வீட்டில் இருந்து மிட்டப்பள்ளி தேசிய நெடுஞ்சாலையில் தன்னுடைய இருசக்கர வாகனத்தில் சிங்காரப்பேட்டை நோக்கி சென்று கொண்டிருந்தார்.

அப்போது கிருஷ்ணகிரியில் இருந்து செஞ்சியை சேர்ந்த தனியார் கம்பெனியில் சூப்பர்வைசராக வேலை செய்து வரும் சதீஷ் (வயது 33) என்பவர் கிருஷ்ணகிரியில் தன்னுடைய உறவினர் வீட்டு சுப நிகழ்ச்சியில் கலந்து கொண்டு செஞ்சி நோக்கி இரு சக்கர வாகனத்தில் சென்று கொண்டிருந்த போது எதிரில் கார் வந்ததால் ராமச்சந்திரன் ஓட்டி வந்த இருசக்கர வாகனம் மீது நிலை தடுமாறி மோதியதில் ராமச்சந்திரன் சம்பவ இடத்தில் பலியானார்.

விபத்தின் சிசிடிவி காட்சிகள் வெளியாகி கிராமப் பகுதியில் பெரும் பரபரப்பை ஏற்படுத்தி உள்ளது அவரது உடல் ஊத்தங்கரை அரசு மருத்துவமனையில் பிரேத பரிசோதனைக்காக அனுப்பி வைக்கப்ப்பட்டுள்ளது. காயமடைந்த சதீஷ் ஊத்தங்கரை அரசு மருத்துவமனையில் சிகிச்சை பெற்று வருகிறார். விபத்து குறித்து சிங்காரப்பேட்டை போலீசார் விசாரித்து வருகின்றனர்.