தெரு நாய்களால் விபத்து அபாயம்

வேடசந்தூர் அருகே கோவிலூரில் பொதுமக்களை அச்சுறுத்தும் வகையில் சுற்றி திரியும் தெரு நாய்களை கட்டுப்படுத்த வேண்டும் என்று கோரிக்கை விடுத்துள்ளனர்.வேடசந்தூர் அருகேயுள்ள கோவிலூரில் சாலைகள் மற்றும் தெருக்களில் தெரு நாய்கள், கூட்டம் கூட்டமாக திரிகின்றன. இவை பொதுமக்களை பார்த்து குரைப்பதுடன், விரட்டி சென்று கடித்து வருகின்றன.குறிப்பாக டூவீலர்களில் செல்வோர் மற்றும் பாதசாரிகளுக்கு பெரும் அச்சுறுத்தலாக உள்ளது. தெரு நாய்களை பார்த்து பயந்து டூவீலர்களில் செல்வோர் மற்றும் பாதசாரிகள் பின்னால் வரும் வாகனங்களில் அடிபட்டு காயமடையும் நிலை நேரிடுகிறது. தெருநாய்களை கட்டுப்படுத்த நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.