நடிகர் விஜய் அரசியலுக்கு வருவது உறுதி: நடிகர் ஹரிஷ் கல்யாண்

புதுமுக இயக்குனர் ராம்குமார் பாலகிருஷ்ணா தயாரிப்பில் நடிகர் ஹரிஷ் கல்யாண் நடித்து வெளியாக்கிய பார்க்கிங் திரைப்படம் இரண்டாவது வாரமாக திரையரங்குகளில் திரையிடப்பட்டு வருகிறது. இந்நிலையில் இன்று திருப்பூர் ஸ்ரீ சக்தி சினிமாஸ் திரையரங்கில் பார்க்கிங் பட விளம்பர நிகழ்ச்சிக்காக படத்தின் இயக்குனர் ராம்குமார் மற்றும் நடிகர் ஹரிஷ் கல்யாண் திரையரங்கிற்கு வருகை தந்து பார்க்கிங் படத்தை பார்த்துக் கொண்டிருந்த ரசிகர்களிடையே கலந்துரையாடினர்.

தொடர்ந்து அவர்களுடன் செல்பி எடுத்துக் கொண்டனர். இதனைத் தொடர்ந்து செய்தியாளர்களை சந்தித்த நடிகர் ஹரிஷ் கல்யாண் சென்னை ,செங்கல்பட்டு உள்ளிட்ட மாவட்டங்களில் மழை வெள்ளத்தால் பாதிக்கப்பட்டிருந்தாலும் தற்போது படத்திற்கு நல்ல வரவேற்பு கிடைத்திருப்பதாகவும் , நாங்கள் எதிர்பார்த்த வரவேற்பை விட அதிக நல்ல வரவேற்பு கிடைத்திருப்பதாகவும் தெரிவித்தார். பெரிய பட்ஜெட் படங்கள் வெளி வந்தாலும் கூட புது இயக்குனர்,புதுமுக நடிகர்களாக குறைந்த பட்ஜெட்டில் எடுத்திருந்தாலும் கூட நல்ல கதையுள்ள படங்களை மக்கள் வரவேற்பதாக தெரிவித்தார். இந்த ஆண்டில் வெளியான படங்களில் பார்க்கிங் படம் மிகச் சிறந்த படத்தின் பட்டியலில் இடம் பெறும் என விமர்சனங்கள் வந்திருப்பது மகிழ்ச்சியளிப்பதாகவும் தெரிவித்தார். சென்னை வெள்ளத்தால் பாதிக்கப்பட்டவர்களுக்கு தன்னால் இயன்ற உதவியை முதலமைச்சரின் நிவாரண நிதியில் வழங்கியிருப்பதாகவும் , இதே போல் பலரும் முன்வந்து உதவ வேண்டும் எனவும் கேட்டுக் கொண்டார். மேலும் பிக் பாஸ் நிகழ்ச்சி குறித்து கேள்விக்கு பிக் பாஸ் நிகழ்ச்சி முன்கூட்டியே எதையும் கணிக்க முடியாதது எனவும் பார்வையாளர்களையும் போட்டியாளர்களையும் பொறுத்து அமையும் எனவும் தெரிவித்தார். புதுமுக இயக்குனர் ராம்குமார் பாலகிருஷ்ணன் தெரிவித்த போது படம் ரசிகர்களோடு எவ்வாறு இணைக்க முடியும் என உருவாக்கப்பட்டதோ அதுபோல அமைந்திருப்பதாகவும் ரசிகர்களின் வரவேற்புக்கும் , ஊடகத்துறையினரின் ஒத்துழைப்புக்கும் நன்றி என தெரிவித்தார்.