திருப்பூர் தொகுதி அதிமுக வேட்பாளருக்கு நடிகை கௌதமி வாக்கு சேகரிப்பு

திருப்பூர் நாடாளுமன்ற தொகுதி அதிமுக வேட்பாளர் அருணாச்சலத்திற்காக நடிகை கௌதமி தெற்கு சட்டப்பேரவை தொகுதிக்கு உட்பட்ட பல்வேறு இடங்களில் வாக்கு சேகரிப்பு. வருகின்ற ஏப்ரல் 19ஆம் தேதி நாடாளுமன்ற தேர்தல் நடைபெற உள்ள நிலையில் திருப்பூரில் அனைத்து அரசியல் கட்சியினரும் பிரச்சாரத்தில் ஈடுபட்டு வருகின்றனர்.

இதன் ஒரு பகுதியாக திருப்பூரில் அதிமுக நாடாளுமன்ற வேட்பாளர் அருணாசல த்திற்காக நடிகை கௌதமி தெற்கு சட்டப்பேரவை தொகுதிக்குட்பட்ட பல்வேறு பகுதிகளில் ஓட்டு கேட்டு வாக்கு சேகரித்தார்.

மேலும் சி டி சி டிப்போ அருகில் பொதுமக்கள் மற்றும் எஸ் டி பி ஐ கட்சியினரிடையே உரையாற்றி வாக்கு சேகரித்தார். உடன் திருப்பூர் முன்னாள் தெற்கு சட்டமன்ற உறுப்பினர் குணசேகரன், மாமன்ற உறுப்பினர் கண்ணப்பன், ஆண்டவர் பழனிச்சாமி, கூட்டணி கட்சியான எஸ்டிபிஐ கட்சியினர் உட்பட பலர் கலந்து கொண்டனர்.