ரூ.1.18 கோடியில் கூடுதல் வகுப்பறை - மேயர் துவக்கி வைப்பு

சேலம் மாநகராட்சி 20-வது வார்டு பழைய சூரமங்கலம் மாநகராட்சி தொடக்கப்பள்ளியில், கல்வி நிதி ரூ.68 லட்சத்தில் கூடுதல் வகுப்பறை மற்றும் சுகாதார வளாகம் கட்டப்பட்டது. அதே போன்று நடுநிலைப்பள்ளியில் ரூ.50 லட்சத்தில் கூடுதல் வகுப்பறை மற்றும் சுகாதார வளாகம் கட்டப்பட்டது. அதன்படி மொத்தம் ரூ.1 கோடியே 18 லட்சத்தில் கட்டப்பட்ட புதிய கட்டிடங்கள் திறப்பு விழா நேற்று பள்ளி வளாகத்தில் நடைபெற்றது. இதற்கு வார்டு கவுன்சிலர் பிரதீப் வரவேற்று பேசினார். மேயர் ராமச்சந்திரன் கலந்து கொண்டு புதிய வகுப்பறை கட்டிடங்கள் மற்றும் சுகாதார வளாகங்களை ரிப்பன் வெட்டி திறந்து வைத்து பார்வையிட்டார். இந்த நிகழ்ச்சியில் உதவி ஆணையாளர் ஸ்டாலின்பாபு, செயற்பொறியாளர்கள் திலகா, செந்தில்குமார், நியமனக்குழு உறுப்பினர் தமிழரசன் உள்பட பலர் கலந்து கொண்டனர்.