எடுத்தவாய்நத்தம் - சென்னைக்கு கூடுதல் அரசு பஸ் இயக்கம்

எடுத்தவாய்நத்தம் - சென்னை வரை புதிய பஸ் இயக்கி வைக்கப்பட்டது. கச்சிராயபாளையம் சுற்றியுள்ள கிராம மக்கள் பயனடையும் வகையில், தினமும் இரவு 9:00 மணிக்கு எடுத்தவாய்நத்தம் முதல் சென்னை வரையிலான வழித்தடத்தில் புதிய பஸ் இயக்கி வைக்கும் நிகழ்ச்சி நேற்று நடந்தது.

நிகழ்ச்சிக்கு, விழுப்புரம் மண்டல துணை மேலாளர் கார்த்திகேயன் தலைமை தாங்கினார். கள்ளக்குறிச்சி மண்டல துணை மேலாளர் சிவக்குமார் முன்னிலை வகித்தார். கிளை மேலாளர் அண்ணாமலை வரவேற்றார். சிறப்பு விருந்தினர் உதயசூரியன் எம். எல்.ஏ., அரசு பஸ்சை கொடி அசைத்து துவக்கி வைத்தார். சின்னசேலம் துணைச் சேர்மன் அன்பு மணிமாறன், சங்கராபுரம் சேர்மன் திலகவதி நாகராஜ், ஒன்றிய செயலாளர் அரவிந்தன், இளைஞர் அணி மாவட்ட அமைப்பாளர் அருள், ஊராட்சி தலைவர் சுதா, ஒன்றிய கவுன்சிலர் நீலமேகம் உட்பட பலர் பங்கேற்றனர். கிளை மேலாளர் சிவகுமார் நன்றி கூறினார்.