உத்தமபாளையத்தில் அதிமுக வேட்பாளர் பிரசாரம்

அதிமுகவிற்கு ஆதரவளித்த தமிழக தேசிய முற்போக்கு விவசாய சங்கத்திற்கு முதலில் எனது நன்றியை தெரிவித்துக் கொள்கிறேன்.நான் சாதாரண விவசாய குடும்பத்தில் பிறந்தவன். என்னைப் போலவே எடப்பாடி பழனிசாமியும் விவசாய குடும்பத்தில் பிறந்தவர். விவசாயி மகனான எனக்கு தேனி பாராளுமன்ற தொகுதியில் போட்டியிடும் வாய்ப்பை வழங்கியுள்ளார். நான் வெற்றி பெற்று நாடாளுமன்ற உறுப்பினரானால் நிச்சயமாக ஆண்டிபட்டி பகுதி மக்களின் குடிநீர் பிரச்சினையை தீர்க்க நடவடிக்கை எடுப்பேன்.மேலும் முல்லைப் பெரியாறு அணையின் நீர்மட்டத்தை 152 அடியாக உயர்த்த மத்திய அரசை தொடர்ந்து வலியுறுத்தி முயற்சி செய்வேன். மேலும் மாம்பழ தொழிற்சாலை மற்றும் திராட்சை ரச தொழிற்சாலை அமைக்க பாடுபடுவேன். இது தவிர விவசாயிகளுக்கு குளிர் பதன சேமிப்பு கிடங்குகளையும் ஏற்படுத்தி தர நடவடிக்கை எடுப்பேன் என்று உறுதியளிக்கிறேன். என கூறினார்.