நங்கவள்ளியில் அதிமுக வேட்பாளர் அறிமுகக் கூட்டம்

. மேட்டூர் அருகே நங்கவள்ளியில் சேலம் நாடாளுமன்ற தொகுதி அதிமுக வேட்பாளர் அறிமுக கூட்டம் நடைபெற்றது.

தமிழகத்தில் நாடாளுமன்றத் தேர்தல் வருகிற ஏப்ரல் 19ஆம் தேதி நடைபெறகிறது. இதனை முன்னிட்டு ஓமலூரை சேர்ந்த மாநில ஜெயலலிதா பேரவை துணை செயலாளர் விக்னேஷ் (31) சேலம் நாடாளுமன்ற தொகுதியின் அதிமுக வேட்பாளராக அறிவிக்கபட்டார். இதனை அடுத்து இன்று மேட்டூர் அருகே நங்கவள்ளியில் உள்ள தனியார் திரையரங்கில் அதிமுக வேட்பாளர் அறிமுக கூட்டம் நடைபெற்றது. கூட்டத்தில் சேலம் நாடாளுமன்ற தொகுதி அதிமுக வேட்பாளர் விக்னேஷ் கலந்து கொண்டு தன்னை அறிமுகம் செய்து அதிமுக மற்றும் கூட்டணி கட்சியினரிடையே ஆதரவு கோரினார்.

இந்நிகழ்ச்சியில் அதிமுக மாநில பொதுக்குழு உறுப்பினர் கே.வெங்கடாசலம், ஓமலூர் சட்டமன்ற உறுப்பினர் மணி, நங்கவள்ளி தெற்கு ஒன்றிய செயலாளர் செல்வம், வடக்கு ஒன்றிய செயலாளர் மாணிக்கவேல், நங்கவள்ளி ஒன்றிய குழு தலைவர் பானுமதி பாலசுப்பிரமணியன் மற்றும் அதிமுக நிர்வாகிகள், தொண்டர்கள், பொதுமக்கள் என ஏராளமானோர் கலந்து கொண்டனர்.