அதிமுக ஆலோசனைக் கூட்டம்

மேட்டூரில் அதிமுக சார்பில் ஜெயலலிதா பிறந்தநாள் விழா பொதுக்கூட்டம் கொண்டாடுவது குறித்த ஆலோசனை கூட்டம் நடைபெற்றது. மறைந்த முன்னாள் முதலமைச்சர் புரட்சித்தலைவி ஜெ.ஜெயலலிதா 76-வது பிறந்தநாள் வரும் 24-ம் தேதி அதிமுக சார்பில் கொண்டாடப்படுகிறது. இதனை முன்னிட்டு மேட்டூர் சின்ன பார்க் அதிமுக அலுவலகத்தில் ஆலோசனைக் கூட்டம் இன்று நடைபெற்றது.இந்த கூட்டத்திற்கு அதிமுக மாநிலங்களவை உறுப்பினர் என்.சந்திரசேகரன் தலைமை வகித்தார். இதில் அணைத்து வார்டுகளிலும் ஜெயலலிதா புகைப்படம் வைத்து கழக கொடியேற்றி பொது மக்களுக்கு இனிப்புகள் வழங்க வேண்டும். மேலும் அடுத்த வாரம் நடைபெறும் பொது கூட்டத்தில் நகரம் ,ஒன்றியம், பேரூர், சார்பு அணி நிர்வாகிகள் கலந்து கொண்டு பொதுக்கூட்டத்தை சிறப்பிக்க வேண்டும் என ஆலோசனை வழங்கப்பட்டது.