மேல்மலையனூர் அருகே அ.தி.மு.க. தெருமுனை பிரசார கூட்டம்.

விழுப்புரம் மாவட்டம் செஞ்சி அடுத்த மேல்மலையனூர் தெற்கு ஒன்றிய அ.தி.மு.க. சார்பில் தெருமுனை பிரசார கூட்டம் தாயனூர் மற்றும் சிறுதலைப்பூண்டியில் நடைபெற்றது. இந்நிகழ்ச்சிக்கு தெற்கு ஒன்றிய செயலாளர் அருண் தத்தன் தலைமை தாங்கினார். வடக்கு ஒன்றிய செயலாளர் புண்ணிய மூர்த்தி, மாவட்ட விவசாய அணி செயலாளர் பாலகிருஷ்ணன் ஆகியோர் முன்னிலை வகித்தனர். சேகர் வரவேற்றார். நடிகர் குண்டு கல்யாணம் சிறப்பு அழைப்பாளராக கலந்து கொண்டு பேசினார். கூட்டத்தில் அ.தி.மு.க. நிர்வாகிகள் பூங்காவனம், ராகுல், துரை காசிநாதன், துரைக்கண்ணு, ரவிசங்கர், வளர்மதி, காசி பாலாஜி, ஊராட்சி மன்ற தலைவர் பிரகாஷ், ஒன்றிய தகவல் தொழில்நுட்ப பிரிவு செயலாளர் லோகநாதன் மற்றும் பல்வேறு அணி நிர்வாகி கள் கலந்து கொண்டனர். முடிவில் ஒன்றிய கவுன்சிலர் முரளி நன்றி கூறினார்.