கண்மாய் நீர் வாழை தோட்டத்திற்குள் புகுந்ததால் விவசாயம் பாதிப்பு

விருதுநகர் மாவட்டம் ஸ்ரீவில்லிபுத்தூர் சுற்றுவட்டார பகுதிகளில் கடந்த ஒரு மாதமாக தொடர்ந்து கனமழை என்பது பெய்து வருகிறது. இதன் காரணமாக அணைகள் மற்றும் நீர் நிலைகள் வேகமாக நிரம்பி வருகிறது. .வத்திராயிருப்பு பகுதியில் சுமார் 15 கண்மாய்கள் 100 சதவீதம் நிரம்பியுள்ளது. இதனால் விவசாயிகள் ஒரு புறம் மகிழ்ச்சி அடைந்தாலும் சில இன்னல்களையும் விவசாயிகள் சந்தித்து வருகின்றனர்.

இந்த நிலையில் வத்திராயிருப்பு பகுதியில் பெய்த தொடர் மழையின் காரணமாக மாத்தூர் கண்மாய் நிரம்பியது. ஆனால் கால்வாய் தூர்வாரப்படாததால் மாத்தூர் கண்மாய் நீர் வெளியேறி ஆகாசம்பட்டியை சேர்ந்த மணிமாறன் என்பவருக்கு சொந்தமான சுமார் ஒரு ஏக்கர் பரப்பிலான வாழை தோட்டத்திற்குள் நீர் புகுந்து குளம் நீர் தேங்கியுள்ளது. மேலும் இந்த நீரால் நெற்கதிர்களும் சாய்ந்து சேதம் அடைந்துள்ளது. உடனே கால்வாயை தூர்வாரி நிரத்தர தீர்வு காண நடவடிக்கை எடுக்க வேண்டுமென விவசாயிகள் கோரிக்கை விடுத்துள்ளனர்.