திருப்பூரில் அதிமுக பூத் கமிட்டி ஆலோசனைக் கூட்டம் நடைபெற்றது.

திருப்பூரில் அதிமுக பூத் கமிட்டி ஆலோசனை கூட்டம் நடைபெற்றது. அ.தி.மு.க. திருப்பூர் மாநகர் மாவட்ட தெற்கு சட்டமன்ற தொகுதி வாலிபாளையம் பகுதியில் உள்ள வார்டுகளுக்கு உட்பட்ட பூத் கமிட்டி, இளைஞர்-இளம்பெண்கள் பாசறை, மகளிர் குழு அமைப்பது தொடர்பான ஆலோசனைக்கூட்டம் மண்ணரை, வாலிபாளையம், பார்க் ரோட்டில் உள்ள திருமண மண்டபங்களில்ஜீ நடைபெற்றது.

கூட்டத்துக்கு மாநகர் மாவட்ட செயலாளர் பொள்ளாச்சி ஜெயராமன் தலைமை தாங்கி பேசினார். தொகுதி மேலிட பார்வையாளர் தாமோதரன் எம்.எல்.ஏ. பேசினார். இதன் பின்னர் பொள்ளாச்சி ஜெயராமன் எம்.எல்.ஏ. பேசினார். இந்த கூட்டத்தில் மாநகர் மாவட்ட எம்.ஜி.ஆர். இளைஞரணி செயலாளரும், முன்னாள் எம்.எல்.ஏ.வுமான குணசேகரன், மாநகராட்சி எதிர்க்கட்சி கொறடா கண்ணப்பன், அம்மா பேரவை இணை செயலாளர் ஆண்டவர் பழனிசாமி, பகுதி செயலாளர் கேசவன் மற்றும் பூத் கமிட்டி நிர்வாகிகள் கலந்து கொண்டனர்.