ஜல்லிக்கட்டு காளையுடன் வாக்கு சேகரித்த அதிமுக வேட்பாளர்!

ஜல்லிக்கட்டு காளையுடன் வாக்கு சேகரித்த திருச்சி பாராளுமன்ற அதிமுக வேட்பாளர் கருப்பையா மற்றும் அதிமுக தொண்டர்கள் தமிழகத்தில் பாராளுமன்ற பொது தேர்தல் நெருங்கி வரும் நிலையில் அதிமுக திமுக பாஜக மற்றும் கூட்டணி கட்சி வேட்பாளர்கள் விறுவிறுப்பாக வாக்குகள் சேகரித்து வருகின்றனர். இதன் ஒரு பகுதியாக திருச்சி பாராளுமன்ற தொகுதிக்குட்பட்ட புதுக்கோட்டை மாவட்டம் குன்னண்டார்கோவில் ஒன்றியத்தில் பல்வேறு இடங்களில் திருச்சி அதிமுக வேட்பாளர் கருப்பையா அதிமுக மற்றும் கூட்டணி கட்சியினருடன் வாக்குகள் சேகரித்தார். அப்போது வத்தணாக்கோட்டை பகுதியில் தேர்தல் பிரச்சாரத்தில் ஈடுபட்டபோது அங்கு உள்ள கோவில் ஜல்லிக்கட்டு காளையை பிடித்தபடி உற்சாகமாக வாக்குகள் சேகரித்து பேசிய போது திருச்சி பாராளுமன்ற தொகுதியை பொறுத்தவரையில் உங்களின் ஒருவனாக இருந்து சேவையாற்றுவேன் இங்கு உள்ள அனைத்து அதிமுக தொண்டர்களும் எனது குடும்ப உறுப்பினர்தான் எனவே அனைவரும் சேர்ந்து என்னை டெல்லி பாராளுமன்றத்திற்கு அனுப்புமாறு தீவிர பிரச்சாரத்தில் ஈடுபட்டார்.