குண்டம் இறங்கி வழிபாடு செய்த அதிமுக வேட்பாளர்

வருகின்ற நாடாளுமன்ற தேர்தலில் கோவை தொகுதியில் போட்டியிடும் அதிமுக வேட்பாளர் சிங்கை ராமச்சந்திரன் இன்று பாப்பநாய்க்கன்பாளையம் பகுதியில் உள்ள பண்ணாரி அம்மன் கோவிலில் குண்டம் இறங்கி வழிபாடு செய்தார்.கோவை பாப்பநாயக்கன்பாளையம் பகுதியில் உள்ள ஸ்ரீ பண்ணாரி அம்மன் கோவிலில் பங்குனி விழா நடைபெற்று வருகிறது.அதன் ஒரு நிகழ்வாக இன்று காலை குண்டம் இறங்கும் நிகழ்வு நடைபெற்றது.இதில் பக்தர்கள் பலரும் குண்டம் இறங்கி நேர்த்திக்கடன் செலுத்தினர். இந்நிலையில் வருகின்ற நாடாளுமன்ற தேர்தலில் கோவை தொகுதியில் போட்டியிடும் அதிமுக வேட்பாளரான சிங்கை ராமச்சந்திரன், கலந்துகொண்டு குண்டம் இறங்கி வழிபட்டு பண்ணாரி அம்மனை தரிசனம் செய்தார். இந்நிகழ்வில் சிங்காநல்லூர் சட்டமன்ற உறுப்பினர் கே.ஆர்.ஜெயராம் உட்பட அதிமுக நிர்வாகிகள் தொண்டர்கள் உடனிருந்தனர்.