நாமக்கல்லில் இஸ்லாமியர்களிடம் அதிமுக வேட்பாளர் தமிழ்மணி வாக்கு சேகரிப்பு...

நாமக்கல் நாடாளுமன்ற அதிமுக வேட்பாளர் தமிழ்மணி தொகுதி முழுவதும் வாக்காளர்களை சந்தித்து தீவிர வாக்கு சேகரித்து வருகின்றார்.

இந்நிலையில் இன்று ரம்ஜான் பண்டிகையையொட்டி நாமக்கல் சேலம் சாலை MGM தியேட்டர் எதிரில் உள்ள ஈத்கா மைதானத்தில் சிறப்பு தொழுகை நடைபெற்றது.

தொழுகை முடிந்து வெளியில் வந்த இஸ்லாமியர்களிடம் அதிமுக வேட்பாளர் தமிழ்மணி கூட்டணி கட்சி நிர்வாகிகளுடன் தனக்கு இரட்டை சிலை சின்னத்தில் வாக்களிக்க வேண்டி தீவிர வாக்கு சேகரித்தார்.

இதனையடுத்து முத்தவல்லி தவுலத்கானை சந்தித்து தமிழ்மணி ஆதரவு கேட்டார், தனக்கு வாக்களித்து வெற்றிப்பெற வைத்தால் இஸ்லாமியர்களுக்கு தேவையான அனைத்து உதவிகளையும் செய்ய தயாராக இருப்பதாக அவர் தெரிவித்தார்.