அதிமுக வேட்பாளர் வாக்கு சேகரிப்பு

நாகை மாவட்டம் திட்டச்சேரி பகுதியில் அதிமுக வேட்பாளருக்கு வாக்கு சேகரிப்பு தமிழகத்தில் நடைபெற உள்ள நாடாளு மன்ற தேர்தலில் அதிமுக சார்பில் நாகை நாடாளுமன்ற தொகுதியில் சுர்ஜித் சங்கர் போட்டியிடுகிறார்.ஏப்.19 ஆம் தேதி வாக்குப் பதிவு நடைபெறுவதையொட்டி, அவர் பிரசாரத்தை தொடங்கியுள்ளார். அதன்படி, திட்டச்சேரி பேரூராட்சிக்கு உட்பட்ட ப.கொந்தகை பகுதியில் தீவிர வாக்குச் சேகரிக்கும் பணியில் ஈடுபட்டார். திட்டச்சேரி பகுதியில் பிரசாரத்தை தொடங்கி சுர்ஜித் சங்கரை ஆதரித்து திட்டச்சேரி நகர செயலாளர் அப்துல் பாசித் தலைமையில் மறுமலர்ச்சி முஸ்லிம் முன்னேற்ற கழக தலைவர் சலிமுதீன் வாக்கு சேகரித்தார்.

இதில் வடக்கு ஒன்றிய செயலாளர் ராதாகிருட்டிணன், மாவட்ட சிறுபான்மை பிரிவு தலைவர் முயினுதீன்,எஸ்.டி.பி.ஐ கட்சியின் நகரத் தலைவர் நத்தர் ஒலி, ஜெயலலிதா பேரவை மாவட்ட துணை செயலாளர் ரகுபதி,மாவட்ட பிரதிநிதி மீனாட்சி, மாவட்ட இளைஞரணி துணை செயலாளர் சுரேஷ்,நகர துணை செயலாளர் பிரகாஷ் மற்றும் அதிமுக கூட்டணி கட்சி நிர்வாகிகள் பலர் கலந்துக் கொண்டனர்.