கள்ளக்குறிச்சி: அதிமுக நிர்வாகிகள் ஆலோசனை கூட்டம்

கள்ளக்குறிச்சி வடக்கு ஒன்றிய அ.தி.மு.க., சார்பில் மோ.வன்னஞ்சூரில் லோக்சபா தேர்தல் பணிகள் தொடர்பான நிர்வாகிகள் ஆலோசனை கூட்டம் நடந்தது.கூட்டத்திற்கு, ஒன்றிய செயலாளர் ராஜேசேகர் தலைமை தாங்கி ஆலோசனை வழங்கினார். மாவட்ட அவைத் தலைவர் பச்சையாப்பிள்ளை, அண்ணா தொழிற்சங்க செயலாளர் அய்யாக்கண்ணு முன்னிலை வகித்தனர்.

கூட்டத்தில் வரும் லோக்சபா தேர்தலில் அ.தி.மு.க.,வின் வெற்றிக்கு மேற்கொள்ள வேண்டிய பணிகள் குறித்து எடுத்துரைக்கப்பட்டது. ஒன்றிய அவைத் தலைவர் ராயப்பன், விவசாய அணி செயலாளர் சிதம்பரம், எம்.ஜி.ஆர்., இளைஞரணி இணைச் செயலாளர் அறிவழகன், மகளிரணி இணைச் செயலாளர் அமுதா, ஒன்றிய பொருளாளர் கலியன், தகவல் தொழில் நுட்பப் பிரிவு செயலாளர் மணிகண்டன், ஊராட்சி தலைவர் ராசு உட்பட பலர் பங்கேற்றனர்.