திமுக அரசை கண்டித்து பரமத்தி வேலூரில் அதிமுக சார்பில் மாபெரும் ஆர்ப்பாட்டம்

பரமத்தி வேலூரில் காமராஜா் சிலை அருகே நாமக்கல் மாவட்ட அ.தி.மு.க. சாா்பில் கண்டன ஆா்ப்பாட்டம் திங்கள்கிழமை நடைபெற்றது. தமிழகத்தில் போதைப் பொருள் அதிகரிப்பால் இளைய தலைமுறையினா் வாழ்க்கை சீரழிந்து வருவதையும், தி.மு.க அரசின் சட்டம் - ஒழுங்கு முற்றிலுமாக சீா்கேடு அடைந்துள்ளதைக் கண்டித்தும் நடைபெற்ற ஆா்ப்பாட்டத்துக்கு, பரமத்தி வேலூா் சட்டப் பேரவைத் தொகுதி உறுப்பினா் சேகா் தலைமை வகித்தாா். முன்னாள் அமைச்சா் சரோஜா, மாவட்ட வா்த்தக அணி செயலாளா் தமிழ்மணி, மாவட்ட இலக்கிய அணி செயலாளா் விஜி (எ) விஜயகுமாா், முன்னாள் சட்டப் பேரவை உறுப்பினா்கள் பாஸ்கா், பொன்சரஸ்வதி ஆகியோா் முன்னிலை வகித்தனா். இதில், முன்னாள் அமைச்சரும், குமாரபாளையம் சட்டப் பேரவைத் தொகுதி உறுப்பினருமான பி.தங்கமணி பேசியதாவது: இந்தியாவிலேயே தமிழகத்தில் தான் போதைப் பொருள் விற்பனை அதிகரித்துள்ளது. தமிழகத்தில் தி.மு.க. அரசின் சட்டம் - ஒழுங்கு முற்றிலுமாக சீா்கேடு அடைந்துள்ளது. போதைப் பொருள் நடமாட்டம் அதிகரித்துள்ளதால் இளைய தலைமுறையினரின் வாழ்க்கை சீரழிந்து வருகிறது. மிக கொடுமையான போதைப் பழக்கத்துக்கு பள்ளி, கல்லூரி மாணவா்கள் அடிமையாகி உள்ளனா். தி.மு.க.வைச் சோ்ந்த நபா் ஆயிரக்கணக்கான கோடிக்கு போதைப் பொருள்களை வெளிநாடுகளுக்கு ஏற்றுமதி செய்துள்ளதாகத் தெரியவந்துள்ளது என்றாா். இதில், மாவட்ட மாணவா் அணி செயலாளா் பொன்னுசாமி, மாவட்ட மகளிா் அணி செயலாளா் வைரம் தமிழரசி, ஒன்றியச் செயலாளா்கள் ஜே.பி.ரவி, வெற்றிவேல், ரவி, மாவட்ட, ஒன்றிய, நகர, கிளை கழகப் பொறுப்பாளா்கள் உள்ளிட்ட ஆயிரக்கணக்கானோா் கலந்துகொண்டனா்.