புதூரில் முன்னாள் எம்எல்ஏ தலைமையில் அதிமுகவினர் சாலை மறியல்

திருப்பூர் காங்கயம் ரோடு காங்கயம்பாளையம் புதூரில் முன்னாள் எம்.எல்.ஏ., குணசேகரன் தலைமையில் அதிமுகவினர் சாலை மறியலில் ஈடுபட்டனர். திருப்பூர் காங்கயம் ரோட்டில் காங்கயம்பாளையம் புதூரில் உள்ள வாக்குச்சாவடிக்கு 200 மீட்டர் தொலைவுக்கு வெளியே அதிமுக கட்சியினர் வாக்காளர்களுக்கு உதவி மையம் அமைத்து செயல்பட்டு வந்தனர்.

அதில் இருந்த அதிமுக கொடிகளையும், முன்னாள் முதல்வர் ஜெயலலிதா உருவப்படத்தையும் போலிசார் அகற்றச் சொல்லியதால், முன்னாள் எம்.எல்.ஏ., குணசேகரன் தலைமையில் அதிமுகவினர் சாலையில் அமர்ந்து மறியல் செய்தனர். இதனால் பரபரப்பு ஏற்பட்டது.

அவரிடம் போலீஸ் ஏ.சி.நாகராஜ் சமாதானம் பேசியதையடுத்து களைந்து சென்றனர்.