தர்மபுரியில் அதிமுக நட்சத்திர பேச்சாளர் தேர்தல் பிரச்சாரம்

தர்மபுரி நாடாளுமன்ற தொகுதி அதிமுக வேட்பாளர் டாக்டர் அசோகன் ஆதரித்து தர்மபுரி உழவர் சந்தை, மதிகோண்பாளையம், பாரதிபுரம், எஸ்வி ரோடு, போன்ற பகுதிகளில் அதிமுக கட்சியின் நட்சத்திர பேச்சாளர் பபிதா நேற்று இரவு பொது மக்களிடையே இரட்டை இலை சின்னத்திற்கு வாக்குகளை சேகரித்தார். மேலும் அவர் பேசும்போது அதிமுக ஆட்சியில் கொண்டு வந்த திட்டங்களான மாணவ மாணவிகளுக்கு இலவச லேப்டாப், தாலிக்கு தங்கம், அம்மா உணவகம், அம்மா ஸ்கூட்டர், போன்ற திட்டங்களை திமுக அரசு நிறுத்திவிட்டது. தற்போது தேர்தலில் வாக்கு சேகரிக்க திமுக அரசு சிலிண்டருக்கு 500 ரூபாய் பெட்ரோல் 70 ரூபாய் என்று குறைப்போம் என தேர்தல் வாக்குறுதி கொடுத்து வருகிறது. ஏற்கனவே கொடுத்த வாக்குறுதிகள் திமுக அரசு நிறைவேற்றவில்லை. எனவே பொதுமக்கள் இரட்டை இலை சின்னத்திற்கு அதிக அளவு வாக்கு வித்தியாசத்தில் அதிமுக வேட்பாளர் டாக்டர் அசோகனை வெற்றி பெறச் செய்ய வேண்டும் என்று பேசினார். நிகழ்ச்சியில் அதிமுக முக்கிய நிர்வாகிகள் பொறுப்பாளர்கள், பொது மக்கள் என ஏராளமானோர் கலந்து கொண்டனர்.