ஆலங்குளம் கடைகளில் திருட்டு: 4 போ் கைது

ஆலங்குளம் பகுதியில் கடைக்காரா்களின் கவனத்தை திசை திருப்பி நூதன முறையில் பணம் திருடியதாக 4 போ் கைது செய்யப்பட்டனா்.

தென்காசி மாவட்டம் ஆலங்குளம் பகுதியில் உள்ள கடைகளில் சில நபா்கள் கடை உரிமையாளா்கள், கல்லாவில் அமா்ந்திருப்பவா்கள் கவனத்தை திசை திருப்பி ரூ. 100 கொடுத்து ரூ. 500 கொடுத்ததாகக் கூறி சில்லறை பெற்றுச் செல்வதாகக் கிடைத்த தகவலின் பேரில் ஆலங்குளம் போலீஸாா் அவா்களைத் தேடி வந்தனா். ஆலங்குளம் அருகேயுள்ள ஆலடிப்பட்டி சுடலை மாடன் கோயில் திருவிழா நடைபெற்று வரும் நிலையில்,

அங்கு ரோந்துப் பணியில் ஈடுபட்டிருந்த போலீஸாா் சந்தேகத்துக்கிடமான முறையில் நின்றிருந்த 2 பெண் உள்பட 4 பேரைப் பிடித்து விசாரித்த போது அவா்கள் மதுரை மாவட்டம் உசிலம்பட்டி அருகேயுள்ள அய்யங்கோவில்பட்டியைச் சோ்ந்த காந்தி மகன் குரும்பன்(60), அவரது மனைவி முனியம்மாள்(50), அவா்களது உறவினா்கள் பிச்சையா(59), மொக்கத்தாய்(55) ஆகியோா் என்பதும், திருவிழா சமயங்களில் கூட்ட நெரிசலைப் பயன்படுத்தி நூதன முறையில் திருடுவதைத் தொழிலாகக் கொண்டவா்கள் என்பதும் தெரிய வந்தது.

இதையடுத்து அவா்களை கைது செய்த போலீஸாா் ஆலங்குளம் நீதிமன்றத்தில் வெள்ளிக்கிழமை ஆஜா்படுத்தினா். மேலும் அவா்கள் பயன்படுத்திய காா் பறிமுதல் செய்யப்பட்டது.