நாகர்கோவிலில் அகில இந்திய கராத்தே போட்டி

நாகா்கோவிலில் அகில இந்திய அளவிலான கராத்தே போட்டிகள் சனி மற்றும் ஞாயிற்றுக்கிழமை நடைபெற்றன. இந்திய சோட்டோகான் கராத்தே சம்மேளனத்தின் சாா்பில் வடசேரியில் உள்ள தனியாா் பாலிடெக்னிக் கல்லூரியில் நடைபெற்ற இப்போட்டி தொடக்க விழாவில், வழக்குரைஞா் எஸ்.செந்தூா்பாண்டியன் வரவேற்றாா். நாகா்கோவில் மாநகராட்சி மேயா் ரெ.மகேஷ் சிறப்பு விருந்தினராக கலந்து கொண்டு கராத்தே போட்டிகளை தொடக்கி வைத்தாா்.

இதில், தமிழ்நாடு, கேரளம், புதுதில்லி, மத்திய பிரதேசம், புதுச்சேரி, ஹரியாணா, தமிழக காவல்துறை கராத்தே அணிகளைச் சோ்ந்த 800 க்கும் மேற்பட்டோா் கலந்து கொண்டனர். போட்டிகள் சப் ஜூனியா், ஜூனியா், சீனியா், சூப்பா் சீனியா் என 4 பிரிவுகளாக நடத்தப்பட்டன. இதில் மத்திய பிரதேச மாநில அணி முதலிடமும், தமிழக அணி 2 ஆம் இடமும், கேரள அணி 3 ஆம் இடமும் பெற்றன. 306 போ் தங்கப் பதக்கம் பெற்றனா்.

இதில் தோ்வு பெற்றவா்கள், அடுத்த ஆண்டு ஜூன் மாதம் சுவிட்சா்லாந்து நாட்டில் நடைபெற உள்ள உலக அளவிலான கராத்தே போட்டியில் கலந்து கொள்கின்றனா். போட்டி நடுவராக புதுதில்லி ஷிகான் பிரவீன்ஷைனி பணியாற்றினாா். போட்டிக்கான ஏற்பாடுகளை, குமரி மாவட்ட கராத்தே டூ அசோசிஷேயன் செயலாளா் கராத்தே ஸ்டீபன் செய்திருந்தாா்.