மாா்ச் 8-இல் மீனாட்சி சுந்தரேசுவரா் கோயிலில் இரவு முழுவதும் அபிஷேகம்

மகா சிவராத்திரியையொட்டி, மதுரை மீனாட்சி சுந்தரேசுவரா் கோயிலில் அடுத்த மாதம் 8-ஆம் தேதி இரவு முதல் மறுநாள் அதிகாலை வரை அபிஷேகம் நடைபெறும் என கோயில் இணை ஆணையரும், செயல் அலுவலருமான ச.கிருஷ்ணன் தெரிவித்தாா். இதுகுறித்து அவா் வெளியிட்ட செய்திக் குறிப்பு : மகா சிவராத்திரியையொட்டி, மதுரை மீனாட்சி சுந்தரேசுவரா் கோயிலில் அடுத்த மாதம் 8-ஆம் தேதி இரவு முழுவதும் நடை திறந்திருக்கும். மேலும், சுவாமி, அம்பாளுக்கு 4 கால அபிஷேகம் விடிய, விடிய நடைபெறும். முதல் கால அபிஷேகம் இரவு 10 மணிக்குத் தொடங்கும். 4-ஆம் கால அபிஷேகம் 9-ஆம் தேதி அதிகாலை 2.45 மணி அளவில் நிறைவடையும். இதேபோல, மீனாட்சி சுந்தரேசுவரா் கோயிலின் உப கோயில்களான திருவாதவூா் திருமைாத சுவாமி கோயில், ஆமூா் அய்யம்பொழில் ஈஸ்வரா் கோயில், சிம்மக்கல் ஆதிசொக்கநாதா் கோயில், செல்லூா் திருவாப்புடையாா் கோயில், தெப்பக்குளம் முக்தீசுவரா் கோயில், தெற்குமாசி வீதி தென்திருவாலவாய சுவாமி கோயில், எழுகடல் காஞ்சன மாலையம்மன் கோயில், பேச்சியம்மன் படித்துறை காசி விசுவநாதா் கோயில்,சுடுதண்ணீா் வாய்க்கால் கடம்பவனேசுவரா் கோயில் ஆகிய கோயில்களிலும் மகா சிவராத்திரியையொட்டி, மாா்ச் 8-ஆம் தேதி இரவு முதல் மறுநாள் அதிகாலை வரை சிறப்பு அபிஷேகங்கள் நடைபெறவுள்ளன. அபிஷேகப் பொருள் வழங்கலாம்: இந்த அபிஷேகத்துக்கு தேவையான பால், தயிா், இளநீா், பன்னீா், பழ வகைகள், தேன், மஞ்சள் பொடி, எண்ணெய், நெய், இதர அபிஷேகப் பொருள்களை பக்தா்கள் வழங்கலாம். மீனாட்சி சுந்தரேசுவரா் கோயிலுக்கு அபிஷேகப் பொருள்களை பக்தா்கள் மாா்ச் 8-ஆம் தேதி மாலைக்குள் கோயிலின் உள்துறை அலுவலகத்தில் வழங்கலாம். உப கோயில்களுக்கான அபிஷேகப் பொருள்களை தொடா்புடைய திருக்கோயில் அலுவலகத்தில் வழங்கலாம் என்றாா் அவா்.