எடப்பாடியார் முன்னிலையில் அ.தி.மு.க.,வில் இணைந்த மாற்றுக்கட்சியினர்

அ.தி.மு.க. பொதுச்செயலாளர் எடப்பாடி பழனிசாமி முன்னிலையில் சேலம் நெடுஞ்சாலை நகரில் உள்ள அவரது இல்லத்தில் மேச்சேரி ஒன்றியத்தை சேர்ந்த புக்கம்பட்டி, மல்லிகுந்தம் ஊராட்சிக்கு உட்பட்ட பல்வேறு கட்சியை சேர்ந்தவர்கள் உள்பட 150-க்கும் மேற்பட்டோர் அ.தி.மு.க.வில் தங்களை இணைத்து கொண்டனர்.

இந்த நிகழ்ச்சியில் மேச்சேரி மேற்கு ஒன்றிய அ.தி.மு.க. செயலாளர் செல்வம், ஒன்றிய ஜெயலலிதா பேரவை செயலாளர் ராஜரத்தினம், ஒன்றிய மாணவரணி செயலாளர் வக்கீல் ராஜ்குமார், துணை செயலாளர்கள் கார்த்திக், விமல் ராஜ், ஒன்றிய இளைஞரணி செயலாளர் சந்துரு, புக்கம்பட்டி ஊராட்சி செயலாளர் குணசேகரன், இளம் பெண்கள் பாசறை செயலாளர் வேலுச்சாமி மற்றும் நிர்வாகிகள் உடன் இருந்தனர்.