சேந்தமங்கலத்தில் முன்னாள் மாணவர்கள் சந்திப்பு, ஆசிரியர்களுக்கு பாராட்டு விழா

சேந்தமங்கலம், டிச. 24 சேந்தமங்கலம் அடுத்த வரகூர் ஓம் குருவனத்தில் 95ம் ஆண்டு படித்த அரசு மேல்நிலைப்பள்ளி முன்னாள் மாணவர்கள் சந்திப்பு, ஆசிரியர்களுக்கு பாராட்டு விழா நடந்தது. விழாவிற்கு சித்தயோகி பிரம்மஸ்ரீ பார்த்தசாரதி தலைமை வகித்தார். சேந்தமங்கலம் அரசு மேல்நிலைப்பள்ளியில் கடந்த 95ம் ஆண்டு படித்த முன்னாள் மாணவர்கள், தங்களுக்கு பாடம் கற்பித்த ஆசிரியர்களுக்கு பொன்னாடை அணிவித்து, நினைவு பரிவு வழங்கி கவுரவப்படுத்தினர். பின் பள்ளியில் படிக்கும் போது நிகழ்ந்த நினைவுகளை பகிர்ந்து கொண்டு மகிழ்ச்சி அடைந்தனர். விழாவிற்கான அனைத்து ஏற்பாடுகளையும் ஒருங்கிணைப்பாளர்கள் மோகன்ராம், கவிதா, உமாபதி, கண்ணன், சுதாகர், செண்பகபிரியா உட்பட மாணவர்கள் செய்தனர். விழாவிற்கு 50க்கும் மேற்பட்டோர் பங்கேற்றனர்.