முன்னாள் மாணவர்கள் - ஆசிரியர்கள் சந்திப்பு நிகழ்ச்சி

திண்டுக்கல் மாவட்டம், நத்தம் அருகேயுள்ள அய்யனார்புரத்தில் அரசு உதவி பெறும் சர்வசேவா மேனிலைப் பள்ளி உள்ளது. இப்பள்ளியில் கடந்த 2002-ஆம் ஆண்டு 12-ஆம் வகுப்பு பயின்ற மாணவ - மாணவிகள் மற்றும் ஆசிரியர்கள் சந்திப்பு நிகழ்ச்சி 22 ஆண்டுகள் பிறகு சனிக்கிழமை நடைபெற்றது. இதற்கு சர்வசேவா பள்ளிகளின் திட்ட இயக்குநர் வசந்தா தலைமை தாங்கினார். பள்ளியின் தலைமையாசிரியர் மலர்விழி வரவேற்றார்.

இதில் 2002-ஆம் ஆண்டு இப்பள்ளியில் பயின்ற மாணவ - மாணவிகள் தங்கள் குடும்ப உறுப்பினர்களுடன் வந்திருந்து பள்ளியில் தாங்கள் பயின்ற காலத்தில் நடந்த நிகழ்வுகளை நினைவு கூர்ந்து பகிர்ந்தனர். ஆசிரியர்களும் தங்கள் மாணவர்களின் பணித் தன்மை, குடும்ப மகிழ்வுகளை கேட்டறிந்து வாழ்த்தினர்.இதில் 75 க்கும் மேற்பட்ட மாணவ - மாணவிகள் மற்றும் அவர்களது குடும்ப உறவுகள், ஆசிரியர்கள் என 200க்கும் மேற்பட்டோர் கலந்து கொண்டனர்.