விக்கிரவாண்டி அருகே விபத்தில் என்ஜினீயரிங் மாணவர் பலி

விழுப்புரம் அடுத்த கோழிப்பட்டு அருகே உள்ள பள்ளியந்தூரை சேர்ந்தவர் முருக தாஸ் மகன் அபினேஷ் (வயது 20). இவர் விக்கிரவாண்டியில் உள்ள தனியார் கல்லூரியில் என்ஜினீயரிங் மூன்றாம் ஆண்டு படித்து வந்தார். நேற்று இவர் தன்னுடன் படிக்கும் தென்சிறுவலூரை சேர்ந்த ஜெய ராஜ் (20) என்பவருடன் மோட்டார் சைக்கிளில் விழுப்புரம் நோக்கி புறப்பட்டு சென்றார். முண்டியம்பாக்கம் சர்க்கரை ஆலை சர்வீஸ் ரோடு பிரியும் இடம் அருகே சென்ற போது அங்கு திடீரென சாலையில் மேற்கு புறத்தில் இருந்து திருச்சி மார்க்கமாக திரும்பிய மினி லாரி மீது எதிர்பாராதவிதமாக மோட்டார் சைக்கிள் மோதியது. இந்த விபத்தில் பலத்த காயம டைந்த அபினேஷ் சம்பவ இடத்திலேயே பரிதாபமாக இறந்தார். காயமடைந்த ஜெயராஜ் சிகிச்சைக்காக முண்டியம்பாக்கம் அரசு மருத்துவக்கல்லூரி மருத்துவமனையில் அனுமதிக்கப்பட்டார். அங்கு அவருக்கு டாக்டர்கள் தீவிர சிகிச்சை அளித்து வருகின்றனர். இந்த விபத்து தொடர்பாக மினிலாரி டிரைவரான கடலூர் மாவட்டம் காடாம்புலியூரை சேர்ந்த சோமு என்பவர் மீது விக்கிர வாண்டி போலீஸ் சப்-இன்ஸ்பெக்டர் சுந்தர்ராஜன் வழக்குப்பதிவு செய்து விசாரணை நடத்தி வருகிறார்.