அதிகாரியை கண்டித்து ஆவணங்களை ஒப்படைக்க வந்த முதியவரால் பரபரப்பு

விருதுநகர் ரோசல்பட்டி பகுதியை சேர்ந்தவர் கர்ணன் (50). இவருக்கு மனைவி மற்றும் இரண்டு மகள்கள் உள்ளனர். இந்த நிலையில் கர்ணனின் இரண்டு மகன்களும் திருமணமாகி விட்ட நிலையில் கர்ணன் மற்றும் அவருடைய மனைவியும் தனியாக வாழ்ந்து வருகின்றனர். இந்த நிலையில் கர்ணனின் தந்தை கடந்த 15 ஆண்டுகளுக்கு முன்பாக இறந்த விட்ட நிலையில் வாரிசு சான்றிதழ் கேட்டு கர்ணன் இ சேவை மையம் மூலமாக விண்ணப்பித்து உள்ளார்

அந்த விண்ணப்பத்தை காரியப்பட்டி தாசில்தார் நிராகரித்ததாக கூறப்படுகிறது. இந்த நிலையில் தன்னுடைய வாரிசு சான்றிதழ் விண்ணப்பத்தை தள்ளுபடி செய்த காரணத்தை காரியாபட்டி தாசில்தாரிடம் கர்ணன் கேட்ட போது தகாத வார்த்தைகளால் பேசியும் ஒரு ஆண்டுக்கு மேலாக வாரிசு சான்றிதழ் வழங்காமல் தாமதப்படுத்தியதாக கூறப்படுகிறது.

இந்த நிலையில் வாரிசு சான்றிதழ் பெற தேவையான அனைத்து ஆவணங்களையும் சமர்ப்பித்த பிறகும் தனக்கு வாரிசு சான்றிதழ் வழங்காத வட்டாட்சியர் துணை வட்டாட்சியர் கோட்டாட்சியர் ஆகியோர் மீது உரிய நடவடிக்கை எடுக்கக்கோரி இன்று மாவட்ட ஆட்சியர் அலுவலகத்தில் கர்ணன் மற்றும் அவருடைய மனைவி இருவரும் தங்களுடைய எரிவாயு சிலிண்டர் உட்பட அனைத்து அரசு ஆவணங்களையும் மாவட்ட ஆட்சியரிடம் திரும்ப ஒப்படைப்பதற்காக வந்ததால் பரபரப்பு ஏற்பட்டது.

இந்த நிலையில் சிலிண்டர் மற்றும் ஆதார் கார்டு உள்பட அனைத்து அரசு ஆவணங்களையும் ஒப்படைக்க வந்த கர்ணனிடம் சூலக்கரை காவல் நிலைய போலீசார் பேச்சுவார்த்தை யில் ஈடுபட்டனர். மேலும் அதனை தொடர்ந்து கர்ணனிடம் இருந்த இரண்டு சிலிண்டர்களையும் பறிமுதல் செய்த காவல்துறையினர் கர்ணணை மனு அளிக்க மாவட்ட ஆட்சியரிடம் அழைத்துச் சென்றனர்.