டூ வீலரை வேகமாக ஓட்டி கீழே விழுந்த முதியவர் உயிரிழப்பு.

கரூர் மாவட்டம், அரவக்குறிச்சி தாலுக்கா, சோழதாசன் பட்டி பகுதியைச் சேர்ந்தவர் துரைராஜ் (௭௦) இவர் கடந்த 20 ஆம் தேதி மாலை 4- மணி அளவில் கோம்பூரிலிருந்து ஈசநத்தம் செல்லும் சாலையில் அவரது டூவீலரில் சென்று கொண்டிருந்தார். இவரது வாகனம் எம்ஆர்பி நகர் பிரிவு அருகே வந்தபோது, வேகமாக சென்றதால் வாகனம் கட்டுப்பாட்டை இழந்து கீழே விழுந்து விபத்து ஏற்பட்டது. இந்த விபத்தில் படுகாயம் அடைந்த துரைராஜை மீட்டு, திருச்சி அரசு மருத்துவமனையில் சிகிச்சைக்காக அனுமதித்தனர். அங்கு சிகிச்சையில் இருந்து வந்த துரைராஜ் சிகிச்சை பலனின்றி நேற்று உயிரிழந்தார். இது குறித்து துரைராஜின் மகள் கவிதா அரவக்குறிச்சி காவல் துறையினருக்கு அளித்த தகவலின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், உயிரிழந்த துரைராஜின் உடலை உடற்கூறு ஆய்வுக்காக திருச்சி அரசு மருத்துவமனைக்கு அனுப்பி வைத்து, இது தொடர்பாக வழக்கு பதிவு செய்து விசாரணை மேற்கொண்டு வருகின்றனர்.