மேட்டூரில் டிப்பர் லாரி மோதி அங்கன்வாடி பணியாளர் பலி

மேட்டூர் அருகே மேச்சேரி, சுப்பிரமணிய நகர் பகுதியை சேர்ந்தவர் ஜெகநாதன் (60) இவரது மனைவி சாந்தி (54). மேச்சேரி வீரப்பனூர் பகுதியில் செயல்பட்டு வரும் அங்கன்வாடி பள்ளியில் சத்துணவு அமைப்பாளராக பணியாற்றி வந்தார். இந்திலையில் சாந்தி பணி முடிந்து தனது மோட்டார் சைக்கிளில் வீடு நோக்கி சென்று கொண்டிருந்தார் ஊராட்சி ஒன்றிய அலுவலகம் முன்பு சாலையை கடக்க முயன்ற போது எதிரே வந்த டிப்பர் லாரி மோட்டார் சைக்கிள் மீது மோதி விபத்துக்குள்ளானது. இந்த விபத்தில் டிப்பர் லாரியின் சக்கரத்தில் சிக்கி அங்கன்வாடி பணியாளர் சாந்தி சம்பவ இடத்திலேயே உடல் நசுங்கி பரிதாபமாக உயிரிழந்தார். தகவல் அறிந்து சம்பவ இடத்திற்கு வந்த மேச்சேரி போலீசார் சடலத்தை கைப்பற்றி பிரேத பரிசோதனைக்காக மேட்டூர் அரசு மருத்துவமனைக்கு அனுப்பி வைத்தனர். இச்சம்பவம் தொடர்பாக வழக்கு பதிவு செய்த போலீசார் டிப்பர் லாரி ஓட்டுநர் பிரபாகரன் (29) என்பவரை கைது செய்து விசாரணை நடத்தினர். சாலை விபத்தில் அங்கன்வாடி பணியாளர் உயிரிழந்த சம்பவம் அப்பகுதியில் சோகத்தை ஏற்படுத்தி உள்ளது.