பனமரத்துப்பட்டி அரசு மாதிரி பள்ளியில் ஆண்டு விழா
![பனமரத்துப்பட்டி அரசு மாதிரி பள்ளியில் ஆண்டு விழா பனமரத்துப்பட்டி அரசு மாதிரி பள்ளியில் ஆண்டு விழா](https://king24x7.com/h-upload/2024/02/13/391362-1000113562.webp)
ஆண்டு விழா
பனமரத்துப்பட்டி அரசு மாதிரி பள்ளியில் நடந்த ஆண்டு விழாவில் பல்வேறு போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டன.
சேலம் அருகே உள்ள பனமரத்துப்பட்டி அரசு மாதிரி பள்ளியில் ஆண்டு விழா நடைபெற்றது. விழாவுக்கு பள்ளி தலைமை ஆசிரியர் நடராஜன் தலைமை தாங்கினார். உதவி தலைமை ஆசிரியை தமிழ்ச்செல்வி வரவேற்று பேசினார். விழாவையொட்டி மாணவ-மாணவிகளின் கலை நிகழ்ச்சி, பேச்சு, பாட்டு, விளையாட்டு போட்டிகள் நடந்தது. இதில் வெற்றி பெற்ற மாணவ-மாணவிகளுக்கு மல்லூர் பேரூராட்சி துணைத்தலைவர் வேங்கை அய்யனார் சிறப்பு விருந்தினராக கலந்து கொண்டு பரிசு வழங்கி பாராட்டி பேசினார். விழாவில் பள்ளி மேலாண்மைக்குழு தலைவி மைதிலி மற்றும் உறுப்பினர்கள், ஆசிரியர்கள், மாணவ-மாணவிகள் உள்பட பலர் கலந்து கொண்டனர். முடிவில் பட்டதாரி உதவி தலைமை ஆசிரியர் செல்வம் நன்றி கூறினார்.
Next Story