ராமகிருஷ்ணா நல்லம்மை பாலிடெக்னிக் கல்லூரியில் ஆண்டு விழா

தாராபுரம் ராமகிருஷ்ணன் நல்லம்மை பாலிடெக்னிக் கல்லூரியின் 40 ஆம் ஆண்டு விழா மற்றும் கல்லூரி நிறுவனரும் எம் பியான சேனாபதி கவுண்டர் 27 ஆம் ஆண்டு நினைவு தினத்தை முன்னிட்டு கல்லூரி வளாகத்தில் அரவிந்த் கண் மருத்துவமனையின் கண் சிகிச்சை முகாம் நடைபெற்றது. முகாமிற்கு கல்லூரியின் தாளாளரும் பழனி முன்னாள் சட்டமன்ற உறுப்பினருமான கே எஸ் என் வேணுகோபாலு தலைமை தாங்கினார். கல்லூரி செயலாளரும் செந்தூர் மோட்டார்ஸ் நிறுவனத்தின் உரிமையாளருமான விஷ்ணு செந்தூரன், டாக்டர் சுவாதி ஹர்சன் ஆகியோர் வரவேற்றனர். நிகழ்ச்சியில் மதுரை அரவிந்த் கண் மருத்துவமனையின் தலைமை மருத்துவர் சித்தார்த் முகாம் அரங்கினை திறந்து வைத்தார். நிகழ்ச்சியில் அதிமுக திருப்பூர் புறநகர் மாவட்ட செயலாளர் மகேந்திரன் எம்எல்ஏ முகாமை தொடங்கி வைத்தார். நிகழ்ச்சியில் திருப்பூர் புறநகர் மாவட்ட பொருளாளர் சின்னப்பன் என்கிற பழனிச்சாமி, தாராபுரம் நகர செயலாளர் ராஜேந்திரன் குண்டடம் நகர செயலாளர் மற்றும் ஒன்றிய செயலாளர் ரமேஷ், பாலகுமாரன், செல்வகுமார், செந்தில்குமார், சோமசுந்தரம் உட்பட பலர் கலந்து கொண்டனர்,