வாலாஜா கல்லூரியில் லஞ்ச ஒழிப்பு விழிப்புணர்வு

ராணிப்பேட்டை மாவட்டத்தில் லஞ்ச ஒழிப்பு வார விழாவை முன்னிட்டு பல்வேறு பகுதிகளில் மாவட்ட லஞ்ச ஒழிப்பு துறை சார்பில் விழிப்புணர்வு நிகழ்ச்சி நடத்தப்பட்டு வருகிறது. அதன்படி இன்று சுதந்திர போராட்ட வீரர் சர்தார் வல்லபாய் பட்டேல் நினைவு கூரும் வகையில் வாலாஜா அறிஞர் அண்ணா அரசு மகளிர் கலைக் கல்லூரியில் லஞ்ச ஒழிப்பு துறையின் மாவட்ட காவல் துணை கண்காணிப்பாளர் கணேசன் தலைமையில் விழிப்புணர்வு நிகழ்ச்சி நடைபெற்றது.

இதில் சிறப்பு அழைப்பாளராக விஜய் டிவியின் காமெடி புகழ் தங்கதுரை கலந்து கொண்டு லஞ்சம் வாங்குவது குற்றம், லஞ்சத்தை வாங்கும் நபரை எதிர்த்து கேள்வி கேட்கும் தைரியத்தை பெண்கள் வளர்த்துக் கொள்ள வேண்டும் எனவும், தற்பொழுது பல்வேறு துறைகளில் பெண்கள் பல சாதனைகளை செய்து வருகின்றனர் அது போல லஞ்சத்தை ஒழித்தால் நாடு முன்னேற்றம் அடையும் என்பதை கருத்தில் கொண்டு லஞ்சத்தை தவிர் நெஞ்சம் நிமிர் என்ற கோட்பாட்டின் அடிப்படையில் இருக்க வேண்டும் என கலகலப்பாக பேசி விழிப்புணர் செய்தார்.