புதிய தொழிற் பள்ளிகள் துவங்க விண்ணப்பங்கள் வரவேற்பு

கள்ளக்குறிச்சி மாவட்டத்தில் 2024-25ம் கல்வியாண்டிற்கு புதிய தொழிற் பள்ளிகள் துவங்க விண்ணப்பங்கள் வரவேற்கப்படுகிறது.கலெக்டர் ஷ்ரவன்குமார் செய்திக்குறிப்பில் தெரிவிக்கப்பட்டுள்ளதாவது, கள்ளக்குறிச்சி மாவட்டத்தில், புதிய தொழிற்பள்ளிகள் துவங்குதல், தொடர் அங்கீகாரம் பெறுதல், தொழிற் பள்ளிகளில் புதிய தொழிற் பிரிவுகள், தொழிற்பிரிவுகளில் கூடுதல் அலகுகள் துவங்குதல் ஆகியவற்றிற்கான விண்ணப்பங்கள் வரவேற்கப்படுகின்றன.

இதற்கான இணையதளம் www.skilltraining.tn.gov.in மூலம் வரும் 29ம் தேதி நள்ளிரவு வரை விண்ணப்பிக்கலாம். அனைத்து தொழிற்பிரிவுகள், கூடுதல் அலகுகளுக்கு தேவையான விவரங்கள் அனைத்தும் ஒரே விண்ணப்பத்தில் மட்டுமே விண்ணப்பிக்க வேண்டும்.

கூடுதல் விபரங்களுக்கு இயக்குனர், வேலைவாய்ப்பு மற்றும் பயிற்சித்துறை, ஆலந்துார் ரோடு, கிண்டி, சென்னை, தொலைபேசி எண்: 044-22501006. மற்றும் மண்டல பயிற்சி இணை இயக்குனர் அலுவலகம், 58/234, பழைய சென்னை சாலை, காட்பாடி ரயில்வே கேட் அருகே விழுப்புரம், தொலைபேசி எண்: 04146-290673 ஆகியற்றைத் தொடர்பு கொண்டு விபரம் பெறலாம். இவ்வாறு செய்திக்குறிப்பில் கூறப்பட்டுள்ளது.