நாமக்கல் மாவட்ட காங்கிரஸ் பொறுப்பாளர்கள் நியமனம்

தமிழ்நாடு காங்கிரஸ் கமிட்டி தலைவராக செல்வப் பெருந்தகை, பொறுப்பேற்ற பிறகு கட்சியில் பல நடவடிக்கைகளை எடுத்து வருகிறார். தமிழ்நாடு காங்கிரஸ் கமிட்டி தலைவர் செல்வப் பெருந்தகை உத்தரவின்பேரில், திருச்செங்கோடு, பரமத்தி வேலூர் மற்றும் குமாரபாளையம் சட்டசபைத் தொகுதிகள் அடங்கிய, நாமக்கல் மேற்கு மாவட்டத்திற்கு, தமிழ்நாடு காங்கிரஸ் கமிட்டி செயலாளர் TDK.சித்திக் மற்றும் தமிழ்நாடு முன்னாள் மாணவர் காங்கிரஸ் செயலாளர் டாக்டர் பாலாஜி ஆகியோர் பொறுப்பாளர்களாக நியமிக்கப்பட்டுள்ளனர். நாமக்கல், சேந்தமங்கலம் மற்றும் ராசிபுரம் சட்டசபைத் தொகுதிகளை உள்ளடக்கிய நாமக்கல் கிழக்கு மாவட்டத்திற்கு தமிழ்நாடு காங்கிரஸ் கமிட்டி செயலாளர்கள் ஆறுமுகம்,ஜெயபால் மற்றும் நாமக்கல் மாவட்ட எஸ்சி பிரிவு முன்னாள் தலைவர் பொன்னையன் ஆகியோர் பொறுப்பாளர்களாக நியமனம் செய்யப்பட்டுள்ளனர். புதிய பொறுப்பாளர்களுக்கு கட்சி நிர்வாகிகள் வாழ்த்து தெரிவித்து வருகின்றனர்.