மாநிலப் பொதுச் செயலராக தோ்வு செய்யப்பட்ட மருத்துவருக்கு பாராட்டு விழா

தமிழ்நாடு அரசு மருத்துவா்கள் சங்கத்தின் மாநிலப் பொதுச் செயலராக தோ்வு செய்யப்பட்ட திண்டுக்கல் மருத்துவருக்கு செவ்வாய்க்கிழமை பாராட்டுத் தெரிவிக்கப்பட்டது. இந்தச் சங்கத்தின் 2024 -26- ஆம் ஆண்டுகளுக்கான மாநில நிா்வாகிகள் தோ்தல் கோவையில் அண்மையில் நடைபெற்றது. இந்தத் தோ்தலில், சங்கத்தின் மாநிலப் பொதுச் செயலராக திண்டுக்கல் மாவட்டத் தலைவா் அ. சீனிவாசன் தோ்ந்தெடுக்கப்பட்டாா்.

இவா் தாடிக்கொம்பு அரசு ஆரம்ப சுகாதார நிலையத்தில் வட்டார மருத்துவ அலுவலராகப் பணிபுரிந்து வருகிறாா். இவா், ஏற்கெனவே சங்கத்தின் பொது சுகாதாரத் துறை பிரிவின் மாநிலச் செயலராக இரு முறை பதவி வகித்தாா்.மாநில பொதுச் செயலராக தோ்ந்தெடுக்கப்பட்டதை அடுத்து, இவருக்கு திண்டுக்கல் மாவட்ட நிா்வாகிகள் சுரேஷ் பாபு, நாகராஜன், சதீஷ் பாபு, ஷேக் அப்துல்லா, குமாா் உள்ளிட்டோா் பாராட்டுத் தெரிவித்தனா்.