இன்னர் வீல் சங்கம் சார்பில் சாதனை பெண்மணிகளுக்கு பாராட்டு விழா

ராசிபுரம் இன்னர் வீல் சங்கத்தின் சார்பில் பல்வேறு துறைகளில் சிறப்பாக பணியாற்றியும் மேலும் பல சாதனைகள் புரிந்த மகளிர்களை பாராட்டும் விதமாகவும் பெருமைப்படுத்தும் விதமாகவும் இன்னர்வில் சார்பில் அவர்களுக்கு சால்வை அணிவித்து நினைவு பரிசுகள் வழங்கி பாராட்டு நிகழ்ச்சி நடைபெற்றது. முன்னதாக சங்கத் தலைவி திருமதி சரோஜா குமார் வரவேற்பு உரை ஆற்றினார் .தொடர்ந்து தபால் நிலையத்தில் சிறப்பாக பணியாற்றும் ஐந்து பெண்களுக்கும், மேலும் கனவு ஆசிரியர் விருது வென்ற பள்ளி இடைநிலை ஆசிரியர் ரேவதி அவர்களையும், திருமதி தமிழ்நாடு 2024 பட்டம்வென்ற கௌசல்யா ஆகியோர்களை பாராட்டி சால்வை அணிவித்து நினைவுப் பரிசுகள் வழங்கி ,கௌரவபடுத்தப்பட்டது.

மேலும் அவருடைய அனுபவங்களையும், அவர்கள் கடந்து வந்த ஒவ்வொரு சவாலான அந்த நிகழ்வையும் அனைவரும் கேட்டறிந்தனர். மேலும் அவர்களை பாராட்டி முன்னாள் இன்னர்வில் சங்க தலைவி PDC தெய்வானை ராமசாமி ‌ சிறப்புரை ஆற்றினார். புவனேஸ்வரி துணைத்தலைவி, அமலா பொருளாளர் ,மற்றும் முன்னாள் தலைவிகள் சங்க உறுப்பினர்கள், என பலரும் நிகழ்ச்சியில் கலந்து கொண்டனர். தொடர்ந்து பல்வேறு சாதனைப் பெண்மணிகளை பற்றி இந்த நிகழ்வில் எடுத்துக் கூறி பெருமைப்படுத்தினர். மேலும் புதிய உறுப்பினர் ஒருவரும் இணைந்தார். இறுதியாக சுதா மனோகரன் நன்றியுரையாற்றினார்.