கட்டிட மேஸ்திரி மர்மமாக உயிரிழப்பு

தர்மபுரி மாவட்டம், அரூர் சட்டமன்ற தொகுதிக்குட்பட்ட கோட்டப்பட்டி கம்மாளம்பட்டி பகுதியை சேர்ந்தவர் மகேந்திரன் இவருக்கு வயது 48 கட்டிட மேஸ்திரி. இவர் நேற்று அப்பகுதியில் உள்ள காப்புகாட்டு பகுதிக்கு சென்றார். ஆனால் நீண்ட நேரமாகியும் அவர் திரும்பவில்லை. இதனால் அவரை தேடிய போது, அந்த பகுதியில் அவர் இறந்து கிடந்தார். இதுபற்றி அவரது மனைவி கெளரி கொடுத்த புகாரின் பேரில் கோட்டப்பட்டி காவல்துறையினர் சடலத்தை கைப்பற்றி அரசு மருத்துவமனைக்கு அனுப்பி வைத்தனர். தொடர்ந்து அவர் எவ்வாறு உயிரிழந்தார் என கோட்டப்பட்டி காவல்துறையினர் வழக்கு பதிவு செய்து விசாரணை நடத்தி வருகின்றனர்.