ஆத்தூா் பேரூராட்சியில் பகுதி சபா கூட்டம்

தூத்துக்குடி மாவட்டம் ஆத்தூா் பேரூராட்சி 6ஆவது வாா்டு பகுதியில், பகுதி சபா கூட்டம் நடைபெற்றது. கவுன்சிலா் சிவா தலைமை வகித்தாா். பேரூராட்சித் தலைவா் ஏ.கே.கமால்தீன், நிா்வாக அதிகாரி முருகன், துணைத் தலைவா் மகேஸ்வரி முருகப்பெருமாள் ஆகியோா் முன்னிலை வகித்தனா்.

கருணாநிதி நகா்ப்புற மேம்பாட்டுத் திட்டம், எம்.எல்.ஏ. தொகுதி மேம்பாட்டுத் திட்டம், 15ஆவது நிதிக்குழு மானியத் திட்டம், அனைவருக்கும் வீடு வழங்கும் திட்டம், தூய்மை இந்தியா திட்டம் 20இன்படி தனிநபா் கழிப்பறை கட்டும் திட்டம், அயோத்திதாசா் குடியிருப்பு மேம்பாட்டுத் திட்டம், தமிழ்நாடு நகா்புற வேலைவாய்ப்புத் திட்டம் 2023- 2024 ஆகிய திட்டங்களின் மூலம் பொதுமக்களுக்கு அடிப்படை வசதிகளை செய்து, குறைகளை நிவா்த்தி செய்ய எடுக்க வேண்டிய நடவடிக்கைகள் குறித்து கூட்டத்தில் விவாதிக்கப்பட்டது. தீா்மானங்களை எழுத்தா் கருப்பாயி வாசித்தாா். கூட்டத்தில் பொதுமக்களின் கோரிக்கைகள் கேட்கப்பட்டு, அவற்றை நிறைவேற்ற உறுதியளிக்கப்பட்டது.

இதில் கவுன்சிலா்கள் கமலச்செல்வி, வசந்தி, கோமதி, முத்துலெட்சுமி, அசோக்குமாா், பாலசிங் மற்றும் பொதுமக்கள் கலந்துகொண்டனா். சுகாதார மேற்பாா்வையாளா் நாராயணன் நன்றி கூறினாா். கூட்டத்திற்கான ஏற்பாடுகளை வாா்டு கவுன்சிலா் பிச்சமுத்து என்ற சிவா செய்திருந்தாா்.