ஆயுதப்படை போலீஸ் கவாத்து பயிற்சி நிறைவு

காஞ்சிபுரம் மாவட்ட ஆயுதப்படையைச் சேர்ந்த போலீசார், 15 நாட்களாக கடுமையான வருடாந்திர கூட்டு கவாத்து, பயிற்சி மேற்கொண்டனர். இப்பயிற்சியின் நிறைவு நாள் நிகழ்ச்சி, ஆயுதப்படை மைதானத்தில் நடந்தது. மாவட்ட எஸ்.பி.,சண்முகம், கூடுதல் எஸ்.பி.,க்கள் வெள்ளத்துரை, சார்லஸ் சாம் ராஜதுரை, ஆயுதப்படை போலீசார் மற்றும் அவர்களது குடும்பத்தினர் என, 600 பேர் பங்கேற்றனர். ஆயுதப்படை போலீசார் சிலம்பாட்டம், கராத்தே, பாடல்கள், மிமிக்ரி போன்ற கலை நிகழ்ச்சிகளில் பங்கேற்ற பின், விருந்து அளிக்கப்பட்டு, பரிசு பொருட்களை மாவட்ட எஸ்.பி.,சண்முகம் வழங்கினார். இவ்விழாவை ஏற்பாடு செய்த போலீஸ் அதிகாரிகளை, சரக டி.ஐ.ஜி., பொன்னி பாராட்டினார்.