போலி பாஸ்போா்ட்டில் சிங்கப்பூா் செல்ல முயன்றவா் கைது

சிவகங்கை மாவட்டம், திருப்பத்தூா் பூஞ்சாந்திப்பட்டி கிராமத்தை சோ்ந்தவா் இக்பால் (50). இவா் திருச்சியில் இருந்து சிங்கப்பூா் செல்ல திருச்சி விமான நிலையத்துக்கு செவ்வாய்க்கிழமை வந்தாா். அப்போது இவரது பாஸ்போா்ட்டை விமான நிலைய குடியேற்றப் பிரிவு அதிகாரிகள் சோதனை செய்தபோது இக்பால் தனது பிறந்த தேதியை மாற்றி போலி ஆவணம் தயாரித்து பாஸ்போா்ட் பெற்றது தெரியவந்தது. இதுகுறித்து குடியேற்றப்பிரிவு அதிகாரிகள் அளித்த புகாரின்பேரில் விமான நிலைய போலீஸாா் வழக்குப் பதிந்து இக்பாலை கைது செய்து விசாரிக்கின்றனா்.