கீழ்பென்னாத்தூர் கலை நிகழ்ச்சி

திருவண்ணாமலை மாவட்டம் கீழ்பென்னாத்தூர் பஸ் நிலையத்தில் பேரூராட்சி சார்பில் பல்வேறு விழிப்புணர்வு குறித்த கலை நிகழ்ச்சி நடந்தது. பேரூராட்சி தலைவர் சரவணன் தலைமை தாங்கினார். செயல் அலுவலர் ராதாகிருஷ்ணன், கவுன்சிலர்கள் கவிதா ஏழுமலை, கனகாபார்த்திபன், ஜீவா மனோகர், பாக்கியராஜ் முன்னிலை வகித்தனர்.

நிகழ்ச்சியில் திருவண்ணாமலை வீரத் தமிழனின் போர்ப்பறை கலை குழுவினர் பங்கேற்று டெங்கு காய்ச்சல், மலேரியா நோய் போன்ற நோய்கள் வராமல் தடுக்கவும், பிளாஸ்டி பயன்பாடு ஒழிப்பு குறித்தும், புகையில்லா தீபாவளியை கொண்டாடுவோம், பாதுகாப்பான தீபாவளி கொண்டாடுவது குறித்த திரளான பேர் நிகழ்ச்சியை காண வந்திருந்த பொது மக்களுக்கு விழிப்புணர்வு ஏற்படுத்தும் வகையில் கலை நிகழ்ச்சியை நடத்தினர்.

இதனையடுத்து பஸ் நிலையத்தில் வைக்கப்பட்டிருந்த பதாகையில் கையெழுத்து இயக்க நிகழ்ச்சியை பேரூராட்சிதலைவர் சரவணன், செயல் அலுவலர் ராதாகிருஷ்ணன் ஆகியோர் கையெழுத்திட்டு தொடங்கி வைத்தனர். அதைத் தொடர்ந்து கவுன்சிலர்கள், பள்ளி மாணவ, மாணவிகள் மற்றும் பொது மக்கள் கையெழுத்திட்டனர்.