பாளையத்தில் பாட்டுப்பாடி ஆட்டம் ஆடி, வாக்கு சேகரித்த கலைஞர்கள்

கரூர் நாடாளுமன்ற பாரதிய ஜனதா கட்சியின் வேட்பாளராக போட்டியிடும் செந்தில் நாதன், இன்று கரூர் நாடாளுமன்ற தொகுதிக்குட்பட்ட குஜிலியம்பாறை சுற்றுவட்டார பகுதியில் தனது பிரச்சாரத்தை மேற்கொண்டார். இவருக்கு ஆதரவாக குஜிலியம்பாறை ஒன்றிய தலைவர் சரவணன் தலைமையில், ஒன்றிய பொதுச் செயலாளர் நாகராஜன், ஒன்றிய துணைத் தலைவர் அசோகன் உள்ளிட்ட கட்சி நிர்வாகிகள்,

பாளையம் கடைவீதி பகுதியில் உள்ள ஒவ்வொரு கடைக்கும் சென்று பாரதிய ஜனதா கட்சியின் துண்டறிக்கையை கொடுத்து வாக்கு சேகரித்தனர். அப்போது, இவர்களுக்கு ஆதரவாக கலைஞர்கள் அப்பகுதியில், மேளம் கொட்டி, பாட்டு பாடி, ஆடி பொதுமக்களிலேயே வாக்கு சேகரித்தனர்.

அப்போது, தமிழ் திரைப்பட பாடல்களில் உள்ள மெட்டுக்களை எடுத்து அதில், பாரதிய ஜனதா கட்சிக்கு வாக்களிக்க வேண்டும் என்ற வாசகங்களை பொருத்தியும், திமுக காங்கிரஸ் கட்சிகளை சாடியும் வார்த்தைகள் அமைத்து பாட்டு பாடி அனைவரது கவனத்தையும் ஈர்த்தனர்.