ஆர்டி கலை அறிவியல் கல்லூரியில் கலை விழா

ஈரோடு ஆர்டி நேஷனல் கலை மற்றும் அறிவியல் கல்லூரியில் ராடார்-24 என்ற தலைப்பில் மாணவ-மாணவிகளுக்கு கலைப்போட்டிகள் நடைபெற்றது. விழாவுக்கு ஆர்டி கல்வி குழுமங்களின் தலைவர் டாக்டர் செந்தில்குமார் தலைமை தாங்கினார். செயலாளர் ராதா செந்தில்குமார், நிர்வாக இயக்குநர் ராகுல், சிஇஓ கீர்த்தனா ராகுல் ஆகியோர் முன்னிலை வகித்தனர். இதில், மாணவிகளின் ஆடை அலங்கார அணி வகுப்பு, கலை போட்டிகள் நடந்தது.

இதில், வெற்றி பெற்ற மாணவ-மாணவிகளுக்கு சான்றிதழ்களும், பதக்கங்களும் வழங்கப்பட்டன. முன்னதாக தீரன் கலைக்குழுவினரின் வள்ளி கும்மியாட்டம் நடந்தது. நிகழ்ச்சியில், கல்லூரியின் துறை தலைவர்கள், பேராசிரியர்கள், மாணவ-மாணவிகள், பெற்றோர் உட்பட பலர் கலந்து கொண்டனர்.