அரசு பள்ளி மாணவர்களுக்கான கலைத்திருவிழா

அரசு பள்ளி மாணவ - மாணவியரின் கலைத்திறன்களை வெளிப்படுத்தும் வகையில், ஆறாம் வகுப்பு முதல், பிளஸ் 2 வரை பயில்பவர்களுக்கு, பள்ளிக்கல்வித் துறை சார்பில் கலைத்திருவிழா நடத்தப்படுகிறது. உத்திரமேரூர் ஒன்றியத்திற்கு உட்பட்ட அரசு பள்ளி மாணவர்களுக்கான கலைத்திருவிழா, திருப்புலிவனம் அரசு கலை மற்றும் அறிவியல் கல்லுாரியில் நேற்று முன்தினம் துவங்கியது. உத்திரமேரூர் வட்டாரத்திலுள்ள அரசு பள்ளி மாணவ - மாணவியர் பங்கேற்றனர். கலை, இசை, நடனம், நாடகம் மற்றும் மொழித்திறன் உள்ளிட்ட மாணவர்களின் தனித்துவங்களை வெளிப்படுத்தி போட்டிகள் நடைபெறுகின்றன. உத்திரமேரூர் தி.மு.க., - எம்.எல்.ஏ., சுந்தர், விழாவை துவக்கி வைத்தார். திருப்புலிவனம் அரசு கலை மற்றும் அறிவியல் கல்லுாரி முதல்வர் சுகுமாரன் உட்பட பலர் பங்கேற்றனர். இக்கலை திருவிழா தொடர்ந்து 4 நாட்கள் நடைபெறும் எனவும், போட்டியில் தேர்வாகும் மாணவர்கள், மாவட்ட அளவிலான போட்டிகளில் தேர்வு செய்யப்பட்டுவர் எனவும், தெரிவிக்கப்பட்டு உள்ளது.