மது குடித்ததை தட்டிக்கேட்டவர் மீது தாக்குதல் - 2 வாலிபர்கள் கைது

சேலம் அழகாபுரம் பஜனை மடம் பகுதியை சேர்ந்தவர் விஜயகுமார். சம்பவத்தன்று இவரது வீட்டின் அருகே சிலர் மது குடித்து உள்ளனர். இதை அவர் தட்டி கேட்டு உள்ளார். இதனால் ஆத்திரம் அடைந்த அவர்கள் விஜயகுமாரை தாக்கினர். இது குறித்து அவர் அழகாபுரம் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து அதே பகுதியை சேர்ந்த ஏ.விஜயகுமார் (வயது 26), மோகன்குமார் (23) ஆகிய 2 பேரை கைது செய்து தலைமறைவாக உள்ள மேலும் ஒருவரை தேடி வருகின்றனர்.