பணம் கேட்டு தொழிலாளி மீது தாக்குதல்

குமரி மாவட்டம் குலசேகரம் அருகே உள்ள பொன்மனை மங்கலம் பகுதியை சேர்ந்தவர் முத்துப்பிள்ளை ( 56) மரம் வெட்டும் தொழிலாளி. முத்துப்பிள்ளை நேற்று குலசேகரம் செல்வதற்காக புளிமூடு சந்திப்பில் பஸ்சுக்காக காத்திருந்தார்.

அப்போது அனீஸ் (26) என்பவர் அங்கு வந்து முத்துப்பிள்ளையிடம் தனக்கு மது அருந்த பணம் தருமாறு கேட்டு டார்ச்சர் செய்துள்ளார்.

ஆனால் அதற்கு மறுத்த முத்துப்பிள்ளை உழைத்து சம்பாதித்த பணத்தில் மது அருந்து என கூறியுள்ளார். இதில் ஆத்திரமடைந்த அனீஷ் என்னை வேலைக்கு போக சொல்ல நீ யார்? எனக் கேட்டு கையில் இருந்த பைக் சாவியால் முத்துப்பிள்ளையின் முகத்தில் குத்தி, கீறல் காயங்கள் ஏற்படுத்தியுள்ளார்.

மேலும் முத்துப்பிள்ளையை கீழே தள்ளி காலால் எட்டி உதைத்ததாக கூறப்படுகிறது. இதில் காயமடைந்த அவர் ஆசாரிப்பள்ளம் அரசு மருத்துவக் கல்லூரி மருத்துவமனையில் சேர்க்கப்பட்டு சிகிச்சை பெற்று வருகிறார். இது குறித்த புகாரின் பேரில் அனீஸ் மீது குலசேகரம் போலீசார் வழக்கு பதிவு செய்து விசாரணை நடத்தி வருகின்றனர்.