ஆத்தூர் : உணவகத்தில் தோசை சுட்டு திமுக வேட்பாளர் வாக்கு சேகரிப்பு

சேலம் மாவட்டம் ஆத்தூர் அருகே பெத்தநாயக்கன்பாளையம் பேருந்து நிறுத்த பகுதியில் கள்ளக்குறிச்சி மக்களவைத் தொகுதி திமுக வேட்பாளர் மலையரசன் மற்றும் மாவட்ட செயலாளர்கள் எஸ் ஆர் சிவலிங்கம் ஆகியோர் ஹோட்டல் கடையில் பணி செய்யும் தொழிலாளர்களுடன் இணைந்து தோசை ஊற்றி வாக்கு சேகரிப்பில் ஈடுபட்டனர். அதை தொடர்ந்து பிரச்சாரம் வாகனத்தில் பகுதி முழுவதும் பொதுமக்களிடம் திமுக அரசின் 3 ஆண்டு சாதனைகளையும் பெண்களுக்கான பல்வேறு திட்டங்களை திமுக தலைவர் ஸ்டாலின் ஏற்படுத்தியுள்ளதாகவும் கூறி வாக்கு சேகரித்து வருகின்றனர். இந்த பிரச்சாரத்தில் பெத்தநாயக்கன்பாளையம் ஒன்றிய, நகர ,பேரூர் நிர்வாகிகள் பங்கேற்றனர்.