ஆத்தூர்: அரசு பள்ளி மாணவ,மாணவிகளுக்கு விலையில்லா பாடநூல் வழங்கல்

தமிழகம் முழுவதும் கோடை விடுமுறை முடிந்து துவக்கப் பள்ளிகள் முதல் மேல்நிலைப் பள்ளிகள் வரை ஜூன் 10ஆம் தேதி வகுப்புகள் துவங்கப்பட்டது. சேலம் மாவட்டம் ஆத்தூர் அருகே தாண்டவராயபுரம் அரசு மேல்நிலைப் பள்ளியில் முதல் நாள் பள்ளிக்கு வந்த மாணவ மாணவிகளை பள்ளி ஆசிரியர் ஆசிரியைகள் இனிப்புகள் வழங்கி பள்ளிக்கு வரவேற்றனர். மேலும் உயர்நிலை மேல்நிலைப்பள்ளியில் ஆறாம் வகுப்பு முதல் 12 ஆம் வகுப்பு வரை உள்ள மாணவ மாணவிகளுக்கு முதல் நாளிலேயே இலவச பள்ளி பாட புத்தகங்கள் வழங்கப்பட்டது. பெற்றோர் ஆசிரியர் கழக தலைவர் உள்ளிட்ட உறுப்பினர்கள் பள்ளி தலைமை ஆசிரியர் உள்ளிட்ட ஆசிரிய பெருமக்கள் கலந்து கொண்டனர்