ஆத்தூர்:காவல் உதவி ஆய்வாளரை தாக்கிய மூன்று பேர் கைது !

சேலம் மாவட்டம் ஆத்தூர் அருகே தம்மம்பட்டி பகுதியைச் சேர்ந்தவர் செல்வராஜ் (49) இவர் மல்லியகரை காவல் நிலையத்தில் காவல் உதவி ஆய்வாளராக பணியாற்றி வருகிறார் , இந்நிலையில் நேற்று இரவு சுமார் 8:30 மணி அளவில் மல்லியகரை காவல் நிலையம் எதிரே தனியாருக்கு சொந்தமான பெட்ரோல் பங்க் உள்ளது இந்த பெட்ரோல் பங்க் அருகில் ஒரு வேனில் வந்த சிலர் புகை பிடித்துக் கொண்டு இருப்பதாக பெட்ரோல் பங்கில் வேலை செய்யும் ஊழியர்கள் போலீசாரிடம் தெரிவித்துள்ளனர் அப்போது அங்கு பணியில் இருந்த காவல் உதவியாளர் செல்வராஜ் புகைப்பிடித்த நபர்களிடம் எச்சரித்துள்ளனர் அப்போது காவல் உதவி ஆய்வாளரிடம் அந்த நபர்கள் கடும் வாக்குவாதத்தில் ஈடுபட்டு அவரை கீழே தள்ளிவிட்டு சரமாரியாக தாக்கியுள்ளனர் இந்த தாக்குதலில் படுகாயம் அடைந்த காவல் உதவி ஆய்வாளர் செல்வராஜ் ஆத்தூர் அரசு மருத்துவமனையில் சிகிச்சைக்காக அனுமதிக்கப்பட்டுள்ளார் மேலும் இந்த தாக்குதலில் ஈடுபட்ட நபர்களை அங்கிருந்து போலீசார் மடக்கி பிடித்து விசாரணை செய்தனர் அப்போது இவர்கள் சேலம் மாவட்டம் ஓமலூர் அருகே தீவட்டிப்பட்டி நாச்சினம்பட்டி காலனியைச் சேர்ந்த 10க்கும் மேற்பட்டோர் தம்மம்பட்டி பகுதியில் உள்ள கோவில் திருவிழாவுக்காக மேளம் அடிக்கம் பணிக்கு சென்று விட்டு வந்ததாக தெரிய வந்தது இதில் ஓமலூர் தீவட்டிப்பட்டி நாச்சினாம்பட்டி காலனியைச் சேர்ந்த ராமர் மகன் பிரபு கண்ணன்( 29) பூசாரி மகன் ஜெயகண்ணன்( 29) மருதமலை மகன் சிவசங்கர் (24) ஆகிய மூன்று பேர் மீது வழக்கு பதிவு செய்து அவர்களை கைது செய்து விசாரணை மேற்கொண்டு வருகின்றனர், பெட்ரோல் பங்க் அருகில் புகை பிடிப்பதை தட்டிக்கேட்ட காவல் உதவி ஆய்வாளர் மீது ஒரு கும்பல் தாக்கிய சம்பவம் அப்பகுதியில் பெரும் பரபரப்பை ஏற்படுத்தியுள்ளது.